رازێ وهشێ- شعیب خالدی زاد
شعیب خالدی زاد از آن جوانان پر تلاش است که در زمینه های مختلف ادبی وفرهنگی فعالیت دارد. کمتر کسی است که با صدای گرم ودلنشین ایشان آشنا نباشد. آهنگهای عرفانی اش راه به اکثر منازل هورامان پیدا کرده است . این جوان شایسته علاوه بر موسیقی ، در زمینه های شعر ونثر هورامی فعالیت چشمگیری دارد. در اینجا ضمن آرزوی موفقیت وبهروزی برای این عزیز ، تعدادی از نوشته های هورامی وی را می آورم امیدوارم مورد استفاده قرار گیرد.
---------------------------------------------------------------------------------------
رازێ وهشێ1
---------------------------------------------------------------------------------------
مڵێوه دیهی دیێ بهسێوهره که هیتیارهکه چهنی وێش ئهوردهبێشۆوه یانه
وهرو وێشهنه واتش شایهد چاشتێوه وهش مهزێش دلێنه بۆ .
وهلێم وهختێوه که هیتیارهکه بهسهکهش واز کهرد ، دیش تهڵێوه مڵهی کهوت بهرۆوه .
مڵهکه به تهرسۆوه پهلهپهل ئهومه بهرو قێڕناش : تهڵه مڵه ، تهڵه مڵه....
چی تهومانه کهرگه دیا پهیشو واتش :
کاکه مڵه ئی تهڵێ بڤێنهو خهتهرش ههن پهی تۆ ،
وهلێم پهی ئهمن هیچش چهنه بهسهر نیهن .
مڵهکه لوالاو کهوڕیو ماجهراکهش پهی گێڵناوه . کهوڕ جواوش داوه :
ئهمن چی بابهتهیه فره دڵ نگهرانهنان وهلێم
ئهگهر کهسێوه چۆش بوهرۆ ههر تۆنی نه ئهمن .زو لوا لاو مانگاوێو واتش :
هیتیارهکه تهڵێوه مڵهیش ئهسهن چارهم چێشهن ؟ مانگاوهکێ وات :
کاکه مڵه گیان فره قینهم ئهومه ، وهلێم ئی چێوه گلاله زهرهرهی نمیاونۆ لاو ئهمن .
مڵهکه لواوه پهی یانهی .شهوه بێ ، ناماوه ،
چی دهنگو گیرکهوتهو جانهوهرێوه لێ تهڵهکێنه ، یاوا گۆشیو گردش هورزنهیوه .
مڵهکه دیش قنیشکهو مارێوه ژهحرینی ، گیرش کهردهن دلێ تهڵهکێنهو
بهدتهر شیویانو ژهنهو ساحیو یانهکهیش چزنهینه .
هیتیارهکه گورجوگۆڵ ژهنهکێش یاونا ناوهشخانه .
دماو قهیرێوه که ژهنهکێ لێ یاویهنه سۆتی سۆچێ ، ئهومۆوه پهی یانهیو ،
ههمسا یانهکێش که پهی سهردهی ئهومێبێنێ لاش واتشان :
سوپو کهرگێ پهی وارئهوردهو یاوی ، چێوێوه فره عالهن .
هیتیارهکه زو لوا پهی باخیو ، کهرگهکێش دلێ قهفهسێنه کێشا بهرو ئهوردهش ،
سهرهش بڕیهو کهردش سوپو داش ژهنهکێش ، وهلێم ژهنهکێش وهشۆوه نهویه .
یۆ جه نزیکهکانشا واتش :ئی ژهنێ مهشیۆ قوهش بگنۆنهو هازی گێرۆ ،
هورزدێ لوێدێ گۆشتو کهوڕیش پهی بهوردێ .
هیتیارهکه لوا تهڵوو کهوڕهکهیو کهردش قوروانیو جه گۆشتهکهیش
کهواوهیش رێک وسو داش به ژهنهکێش .
ژهنهکێ جیهی ئینهیه خاستهره بۆوه ، فره خراوتهره بیهو سهرهنجام مهرده .
هیتیارهکه ئاخرسهر بۆنهو ئینهیه مێمانانێوه که جه پهرسهو ژهنهکێشهنه
بهشدارشان کهردهبێ نانه بڏۆ ، گاوهکێچش کوشته .
مڵهکه جه حاڵێوهنه که دلێ درزو دیوارینه دیهی دیێ پی جهرهیاناتهیه ،
وهرو وێشهنه واتش :
شهڵلهی رهفێقهکێم کهمێوه پهی خهمهکهو ئهمن خهفهتشا واردیبیا .
-------------------------------------------------------------------------------------------
رازێ وهشێ2
رێوه کوڕێوه لهم زل ئهشتههاو ههننیش کریا بێ .
لوا تهڵهوو یهخچاڵهکهی ، وهلێم چا ههننیش نهوێسۆوه .
واتش مهشیۆ بلو پهی بهریو ههننیێوه بسانو .
سهرو رهینه یاوا دوکانو مێوه ورهشی
گهرهکش بێ بلۆ چوهری چهمش کهوت ، بهرچهسپو قیمهتو قهڏو ههننیهکانو
پهشیمانۆوه بی . وهختهی خهریک بێ هورگێڵێوه پهی یانهی
چهمش کهوت به کیارێوه سهرسهوزێ که باخهوانهکهش لێشهنه
ههننیێش نیهی بێنێ
کوڕهکه پهڕچینو باخهکهینه لوا ئهودیموو وێش یاونا لاو باخهوانهکهیو پهرساش :
ئهیا شمه ههننیێچ مهورهشدێ ؟
باخهوانهکه واتش : ئینێ نا مهوینیشان گر هنو ورهتهینێ .
کوڕهکه سرینجهو ههننیهکانش داو دانێوه یاواو گهورهش هور چنی .
دماوه واتش : ئینهمه گهرهکهن
باخهوانهکه لوا ههننیهکهش پهی بهورۆ ،
کوڕی وات ئهمن پهی ئی ههننیهیه بیسو پهنج سنتێم ههن و چی زیاتهرم نیهن .
باخهوانه که هورگێڵاوهو واتش : قیمهتو ئی ههننییه دوێ دولارێن !
دماوه کوڕهکه قهیرێوه ویرێش کهردێوهو ههننیێوه نیاواو گولالهش بێسۆوهو
نشانهو باخهوانیش داو واتش : ئینه چن قیمهتهن ؟
ئهیا مهورهشیش پهنهم بیسو پهنج سنتێ ؟
باخهوان واتش ئهرێ پهی تۆ . کوڕهکه ژیرانه پوڵهکهش نیا مشتهو باخهوانی .
باخهوانیچ که خهریک بێ دلهڕاسهو کیارهکێ ئازێ جیا ، گوڕهکه واتش پهنهش :
ئانه تۆ پوڵو وێت گێرتهنو ئیسه ئی ههننیه هنو ئهمنهن ،
ئهمن مهلو دوێ حهفتێ تهر مهونۆوه پهیش
رازێ وهشێ 3
رێوه پیهیوه دهسهڵاتدار زهورۆ گولالهکهش بهرد پهی دهگهیوه
تا پهنهش نشانه بۆ ، مهردمانێوه که نهی چاگهنه
جننه بێ دهسهڵاتێو کهم دهسێنێ .
ئادوه ، دوێ شهوێ مێمانێ یانێوه وردی ، پیهیوه کهم دهسی بێنێ .
وهختێوه که گهرهکشابێ هورگێڵانێوهو بلانهی
دماو سهفهرهکهی بابهکه به کورهکهیش واتش :
ماڵهکهم ، چهنی بێ سهفهرهکهمان ؟
کوڕهکه جواوش داوه : فره وهش بێ بابه .
بابهکهش پهرساش : ئهیا سرینجهو دا بزانی گوزهرانشان چهنیهن ؟
واتش : ئهرێ بابه
بابهکهیش وات : چی سهفهرهنه چێشت یاڏ گرت ؟
زهورۆکه قهیرهی ویرێش کهردێوهو به ئارامی جواوش داوه :
زانام ئێمه لێ یانهیمانهنه تهنیا توتێوه ما ههن وهلێم ئێڏێ چوارشا ههنێ .
ئێمه لێ حهوشهو یانهینه فوارێوهما ههن ،
ئێڏێ چێنه رۆخانێوهشا ههن ئهوپهڕش نادیار .
ئێمه حهوشهکێمان چننه دانێ چراوێش ههنێ پهی ئهوهڕازنهیش
ئێڏێ یهک دنیا ههسارێشان ههنێ .
حهوشهو ئێمه ، چهنی دیوارهکانش تهمام مهوۆ ،
وهلێم باخو ئاڏیشان تهمام بیهیش پهی نیهن .
به ئهشنهویهو ئی قسانه بابهکه واقش پڕابیو بێ دهنگ بیه بێ .
دماو قهیرهی ، زهوڕۆکه زیادهو ئا قسانه واتش :
دهست وهش بۆ بابه گیان
تۆ نشانهت دانێ چننه کهم دهسهڵاتێو کهم دهسێنمێ !
-----------------------------------------------------------------------------------
رازێ وهشێ 4
ژهنو پیهیوه جوانێ کۆچشا کهرد پهی حهننێوه تهری.
ڕێوه دماو ئانهیه که نشتێبێنێره لێ یانه تازهکهیشانهنه ،
خهریکێ سۆحانه واردهی بێنێ،
که ژهنهکێ وردهره بیه ههمساکێشان خهریکهنه سیپاڵێ میاوۆوه واتش :
سیپاڵهکێش خاس نهشتێنێ ، پاسه دیارهن نمهزانۆ پشۆرۆشان .
ڕهنگهن پودروسیپاڵ شتهکهیش خراوهنو مهشیۆ خاستهرش بسانۆ .
شوهکهش چهمێوهش وس وهنهشو هیچش نوات .
ههرجارهی که ژهنه ههمساکێ سیپاڵه شۆریاکێش ئهورێ بیاوۆوه پهی وشک بیهی ،
ئاڏه ههرئاقسانه دوپێک کهرێوه .
دوێ مانگێش پهنه شی و ڕێوه ی دیش سیپاڵێ تهمیسێ یاویهینێوهو
سهرهش سڕمهنه بێ چهنی مهوۆ ... واتش شوهکهیش :
ناپاسه دیاره ن یاڏش گێرتهن چهنی سیپاڵێ بشۆرۆ !
مهنێنانهی داخم کێ بیهبۆ نشانهش ده یبۆ ڕێک و پێک سیپاڵێ پشۆرۆ.
پیاکه قه یره ی فکریانهو جواوش داوه و واتش :
ئهمن ئارۆ سۆحی زو هۆرزهینانێوهو دهلاقهکێم خاس تهمیسێ کهردێنێ
------------------------------------------------------------------------------------------------------------چوار دانێ رازێ مڵلا نهسرهدینی
---------------------------------------------------------------------------------------
شیرینی
رێوه مڵلا نهسرهدین ئهورهو تهژنه شارێوهنه ویهردی ویهرێ
ناماوه چهمش کهوت شیرینی ورهشیێوهو یهکجارهنه پڕا لێ دوکانهکهیو
دهسش پهنه کهرد شیرینی واردهی .
شیرینی ورهشهکه تا هازیش چهنه بێ مڵلاش داوهنهو خاس خاسی کوشتش .
وهلێم مڵلا نهسرهدین به جیاتی ئانهیه ههرقله دێ چهنهو پریقهش ئێو واچێ :
ئای چ شارێوه وهشهویسهنو چ مهردمانێوه عالێش نهی چهنه
مهوینی چهنی به زۆرو کوتهک شیرینی مهڏان دهرخوازو راویارهکان ؟
سپهڕ
رێوه مڵلا نهسرهدین لوا بێ پهی جهنگیو سپهڕێوه گهورهیچش بهرده بێ چهنی وێش .
چی تهومانه یۆ جه دژمهنهکان ناماوه توهنێوهش پهڕتافنا ڕوهو سهرهیشوو سهرهش دوێ لهینه مێڕیا.
مڵا نهسرهدینیچ سپهڕه گهورهکهش نشانهو دژمهنهکهش داو واتش :
ئهی کهله پووکی ئهحمهق سپهڕێوه پی گهورهیهته نهڏیو ههر سهرهو ئهمنت پێکا .
بی وه رمی
شهوێوه مڵلا نهسرهدین وهرمش وهنه شیویا بێویانهنه دابێش بهرو
بێ ئامانج دلێ کوجیانهنه دهورێ دێوه .
یۆ جه دۆسه نزیکهکانش پهرساش چهنه :
پی نیمهشهوهنه خولێ چیشی موهری ؟
واتش : وهرمم پڕانو نان شۆنهشۆوهو پهیش مهگێڵو
بهشکهم بیزوشۆوه !
شیوه ن
رێوهشان مڵلا نهسرهدین سواڵ کهری کهرێو لوا تهقهو بهرهو یانێوهش داو
کناچێوه ئهومهو بهرهش کهردۆوه
مڵلهی وات : تیکهی نانهم بڏه پهنه نا ئهورهیوه مهردان
کناچهکێ واتش : نیهنمان
مڵلهی وات : دهی ئهگهر ههن لێوانێوه ئاویم بڏه پهنه فره تهژنهمهن نا قڕ بیان
کناچهکێ واتش ئاویچمان نیهنه
مڵلهی وات ئهی ئهڏات نا چکۆ ؟
واتش : لوهینه پهی پهرسهو ئا هامسهیمانه
مڵلهیچ واتش : یانهو شمه پی سهرو دوختشۆوه فرهتهر ئهو پهرسهی مهشۆ!
مهردم مهشیۆ پهی پهرسهی روهو یانهو شمه بیانێ نه شمه بلدی په پهرسهو یۆ تهری !؟
منبع : وه رکه مه ر http://varkamar.blogfa.com/
+ نوشته شده در شنبه هجدهم تیر ۱۳۹۰ ساعت 19:2 توسط ابراهیم شمس
|