سننۆقوو پاڵپهشتی جه نویسهرا و شاعێراو ههورامانی
ئارۆ یهرهشهممه 21/9/96 گلێرێوی تایبهت پهی ئهرهمهرزنای سننۆقوو پاڵپهشتی جه نویسهرا و شاعێراو ههورامانی جه دهفتهروو ئهرهمهرزیاو نهسیموو فهرههنگوو ههورامانی گیریا. 14 نهفهرێ ئهچی ئازیزا که چێگهنه تهشریفشا ههن، به ئهرمانیاری پێسهو ئهنداماو ههیئهت ئۆمهناو سننۆقی تهشریفشا بێ. چی گلێرهنه سهروو چهنیهتی ئهرهمهرزنای سننۆقی و ههدهفهکاش و ههیئهت مۆدیره و بازرهس و نۆعوو دهرامهدیش و شمارهحهسابی بانکی و نۆعوو هۆرگێرتهی زهڕی جه حهسابهنه و شهوراو نویسهرا پهی قهبووڵ کهردهی ئا بهرههما که مشیۆ چاپێ با و میزانوو یاردی دای سننۆقی یا وامی و .... باس کریا و گردوو ئهرهنیشتا گلێرهکێ پهیلوای وێشا وات. پهی ئانهیه ههرمانکێ خاستهر دهس پنه کهرۆ و سننۆقهکه به قهوهت مهرزیۆره و بنجنامهکهیچ (ئهساسنامه) بنویسیۆ، بڕیار دریا جه حهفتهی دماینهنه جهلهسێوتهر بنریۆره.
من دڵنیانا به یاردی خوای گهورهی و پاڵپهشتی گردوو فهرههنگدۆساو ههورامانی ئی ههرمانێ به خاسی ڕێکه گنۆ و متاومێ دڵوو نهویسهرهکاما و شاعێرهکاما به چاپوو بهرههمهکاشا شاد کهرمێ و کتیبخانهکهیچما دهوڵهمهند کهرمێ.
ئا ئازیزێ که ئارۆ پێسهو ههیئهت ئۆمهنای جه جهلهسهنه حازری بێنێ:
1-مهڵڵا مۆمن نووری 2- فایێق لوتفی 3- ڕهزا خورشیدی 4- عهبدووڵڵا کاکهبرایی 5- فهتحوڵڵا نهجهفی 6- فهتحوڵڵا ڕهزایی 7- کهیوان موساعێد 8- قانێع حاتهمی 9- گۆنا ڕاپهیما 10- ئیبراهیم شهمس 11- ئازاد حسهینی 12- ساسان نهقی زاده 13- حهیدهر خوڵامی 14- ئوسمان ڕهحیمی
جه گلێرهی دماینهنه تهماموو ئازیزا خوڵکه کریا ههر کهس پهیش کریا تهشریف بارۆ
سپاس جه گردیتا
