هادی سپنجی
هه ورامان
چهندها ههزاران شاخ و کاو و کۆ
نهقش و نیگاری گۆڵانی وهش بۆ
سهر بهرز و جهسوور دهس گیرتهن نهدهس
جه سهیر و سهفاش ڕاویار مهو ؤ مهس
سهریاڵان کێشان لوت پهی ئاسمان
تا کهران سکاڵا جه ناڵهی هیجران
ناڵه جه حهسرهت خێڵ و یارانش
نمهنیشان تاوێ پای شهتاوانش
تا پهی بهرانێ نه خاکی جیهان
نیهن سروشتێ وێنهی ههورامان
هاڕهی شهتاوان بۆنی چنوورش
ئهشکۆفهی واشان عهترش عهتورش
وهرکهمهر و کۆش قاقبوی ژهرهژان
به تۆزی خاکش چهمێ مهڕهژان
حهیفهن ئی خاکه وێنهی گهوههرهن
ناکانگهی علم و دؤؤڕ و جهوههرهن
گۆڵانش تاک تاک نهکهرینه بۆ
جه خاک و ئاوش سهر بهر ناوری تۆ
سهد حهیف دڵسۆزێش نیهن ههورامان
بگێڵۆ پێشدا جه سهر تا دامان
عههد کهرۆ چهنی شاهۆ و کۆساڵان
بگێڵۆ و بلۆ کۆنه ههواران
کهرۆوه پێشه ڕای علم و عرفان
پهی بهرۆوه ڕاز سڕی ههورامان
ج کۆدیهن کێ کهی جه کامین دیار
هاناوێ وهی تهور جه دهگای تهشار
ئاو تێکهڵی شۆت جیای ئامیانش
کام زوان کهرۆ وهسفوو بهیانش
ج کۆدیهن کێ کهی جه کامین زهمین
هاناوێ وهی تهور جه دهگای سلێن
یهک ساتێ وشک و یهک ساتێ نهجۆش
خهڵک نه ئینتیزار تا کهرانێش نۆش
ج کۆدیهن کێ کهی جه کام ههردوکۆ
کۆیێ ئێڵاخ و زمسانش یۆبۆ
دوێ هاناوێ تاڵاو و شیرین
فواران کهران بیان وهڕوی زهمین
ئازیز نیعمهتهن قهډرش بزانه
حهفهن جه وهتهن بینه بێگانه
ڕاگهی پێچا و پێچ بگێره نهوهر
جه سهیر و سههباش مهس مهوی یهکسهر
جه پهنای سیروان توله ڕای پڕپێچ
بکهره گوزهر تا کۆسهی ههجێج
بشه سهر مهزار سهی عهبیدۆڵا
برای غهریوی حهزرهتی ڕهزا
جه ئاوای ههجێج گێرتهنش ماوا
دهردی ههژاران کهرۆ موداوا
نهوهری ههجگیز ههواران جه یاډ
ئهر به تهمانی خهمان دهی وه باډ
سهردهشت و ههیشور ژونی و گهردهمیان
ههواتگهی کۆلیج دهل و زۆمیان
دێوه زناو ، نوێـن، ئهسپهرێز و ناو
ههواره بهرزه و وهزه و هانهساو
ههرهسه بیای ، سهراجگان و کاو
هانهتوهن ، کارێز تاسیا قوڵاو
بوک و دهگاگا ، هانه هۆڕ ، گاوۆڵ
ڕوار جاگهی پیاخاس و عاقڵ
ئاساوی بڵ و بڵبهر سهراوش
نهغمهی بوڵبوڵ و قرمهی خۆر ئاوش
تهی کهری بڵبهر سهرماوهری دیار
ڕوکهی مهزار پیری شالیار
مهوینی قهڵای ههورامانی تهخت
ژیانی مهردم نه ههورازی سهخت
عیشق و ئیمان و مێمان داریشان
پهی ههورامانی وهفاداریشان
ئاوهخت مهوینی جای پهنجهی ساقی
مهیش ههزار ڕهنگهن ههر وێشهن باقی
ههورامانی بهرز پام لهنگ و کوڵهن
گێڵای ههرد و کۆت ئاواتی دڵهن
به نام ههورامی و پاوهم مهنزڵهن
خاڵه بێ هادی سهفهر موشکڵهن
*************************
نه وروز - هادی سپنجی
چهژنهن وههارهن ڕازیانۆ وهتهن
شهونم به عیشوه ڕای گوڵان شتهن
بۆی نهسیم تاوتاو مهیو جه ئێڵاخ
موژدهی ئازادی مهدو نه دهماخ
چنوور و نهرگس جه سهر كڵاوان
وهنۆشهی وهش بۆ جه گۆشهی ئاوان
ژهرهژ به قاسپه و بوڵبوڵ به ئاواز
قومری به قوقو و كاوهتر به ناز
ماچان موبارهك جهژنی ئازادی
نهمهن دهوری خهم بگێڵندی شادی
ساقی گیان سا تۆیش دهس به پهیمانه
بنمانه لوتفت با بهی چهژنانه
پهی پهی پهڕ كهره سهراحی جه مهی
سا با گۆشی دڵ بسپارمێ وه نهی
به نهوایێ وهش مهچڕۆ نازداران
یاوندێ وێتان نه جهرگهی یاران
ههركهس پهرێ وێش ئازاد و مهستهن
نهورۆزی ههر ساڵ ڕۆكهی ئهلهستهن
ههراڵه یهخ مهڕد یهخهش وست ئهو بهر
ڕهنگینش كهردۆ كۆ و سارا یهكسهر
گوڵ خونچه كهردهن مشت وه بانی سهر
جه وهشی نهورۆز مهدومان خهوهر
سهردی بارش كهرد جه گهرمای نهفهس
كاوه زوحاكش كهردهن وه قهقنهس
كاوه زوحاكش كهردهن وه قهقنهس
**************************
در سوگ مرحوم رسول آبادی
خامــه بنویســه باســو فیراقــی
باســو دلتنگـی و باسـو میراقی
باسو بر ره حمی و كزه و پاییزی
شیـــونای ناوخت یانه و ئــازیزی
بدیه په ی شاهوی كه رده ن ته م و مژ
دانش وه هــه مــدا پوینــه تا رژ
لاره كاو یه خه ش دریه ن وه هه مدا
هانه ساو تاو تاو مه دو وه سه ر دا
هانه زلیخــا مـه نده نو بــی كه س
ئارو یوسف ش به رشیه ن نه ده س
مه مجو هه لسی چه م چون خوره ی واران
ئیتر كی به ی لاش چون جاری جاران
ده م بنیـــو نه ده م پلو وری ئاوش
بكه روش بیدار جه شیرین خاوش
ده س بنیو وه بان ئه برو چه مانش
حه سره تیش لاشان به رشان خه مانش
تــــه دارك بدو میمـــــــانی ئازیز
ناوه رو خه یال ره نگ زه ردی پاییز
واچــــو به یاران با كـــه ران پــه له
جه مینی دوسی گرد جه كه نه له
ده فته رو شیعران نه شوتان جه ویر
ئارو دل ته نگـــه ن قولقوله و ویمیر
نمه ز دل ته نگیش زه ردی پاییزه ن
یا خه یر په شیوی هیجری ئازیزه ن
نانا پاییز هه ر ره نگ زه رد و سه رده ن
دووری ئازیـــزان پـر ئیش و ده رده ن
كه ش و كوش وسه ن نه گیجاوی خه م
توریان چه نه ش بالاخانه ی چــــه م
بالا خانه ی چه م چه مه راكه ی ویت
بانه ناو وه خاك ئاسانه كه ی ویت
تكه ش عاجز كه رد خه یالت تیش دا
ئازیـــز بو جــــاری پا بنیـــه پیش دا
به لكـــو ساكن بو بگیــــرو ته سكین
هه رچه ند تا ئه به د مه مانو خه مگین