عدنان مرادی
عدنان مرادی - پاوه
وای واران ویرو خــهڵکینه شیــهن خۆ مـهژنهوی
وهرزو وهشتی زوو لوانوسهرشیهن خۆ مهژنهوی
سێوهروو باخــی دمهو ئهنفــالو ڕازیانهی تــهزا
پوینـــه تاڵان بی پراره بهر شیــهن خۆ مهژنهوی
مهژنهوی داندانهی گۆرالهی شهرهێ بهردێ شهرا
ئا شهرا بێ مهژگو خوێڕیو وهحشیهن خۆ مهژنهوی
شاهۆ پا بهرزیشۆ داخهینه چهمارهو سهرکزهن
تا ژنیش سووره ههراڵه لاشیهن خۆ مهژنهوی
ههۆرێ ههللاجی بییهو هانێ هساره کیشیهێ
چونکه کێخوهو شارهکهێما ناشیهن خۆ مهژنهوی
مهژنهوی دارسانێ سۆچیهی یانی سۆچنهێشابڕێ
ترازیهو عهدڵی بهزهننم گاشیـــهن خۆ مـــهژنهوی
باتی پی ئینهی ویانێ خهڵکی بووڕو کار بهدهس
یاگێ یاسهو حوکمهکهێش نهقاشیهن خۆ مهژنهوی
******
نا یاد مهنه واران نهوێ دار مژنو ئاوێ کهردهبێ
پهرچینو باخی سهر زل و بێ عهقل و شاری مهرده بێ
نا یادمهنه هووڵی زلێ ئاوی دزێنێ بنکهنه
لولێوه خوێریه بێ خهمێ شۆ هانهکێشا بهرده بێ
نایادمهنه کهپرێ ڕژهی سیرهکوه سێر خاکش نهدی
تهنیا کهوێل و باخهکهی بێ دوودهری و بێ پهرده بێ
نا یادمهنه سۆحێوه زوو وهختێوه چیلی تاسیا
هوارێ کهلارێشا ڕژهێ گۆرانیه وێش لا وهرده بێ
نا یادمهنه پهلکهو ئهدهی دمهو ئانهیه پرووکیا تهپا
ههر چیهیێ خوێ بێنێ لوهی ههر چی پیا بێ جهرد بێ
نا یادمهنه سێوهر پڕا ڕۆجیار هوارش ئاس جیا
تهنیا خهیاڵ و کۆچهری تهرمێوه سهردومهرده بێ
**********
جه کوجیهو زۆڵفیت شهماڵ چوون ویهرد
بۆی عهتر گیسووت وهلای من ئاوهرد
چوون دهمی مهسیح ئهحیا کهرد گیانم
گهش بی دهماخ و رۆح و رهوانم
ژهنگ چن ساڵهی ئاینهی تهمین
ماڵا کهڵافهی زڵف چین وه چین
ئازیز بۆ وه حهق ئهوسێنو وێما
به عههدهێ گهردوون بینانش په ێما
جه روی لوتف و شهوق تهشریف باوهره
ئی تاڵی مهزاق جه من لاوهره
چوون یهعقووب وهبۆی شهماڵ خهور بیم
بینایی چهمان ها بینا تهر بیم
******
تهماشهو تۆ شفام بێ کاکه پاوه
قهد و باڵا تهمام بێ کاکه پاوه
جه کهلیانو ههتا ئهێشیره میدان
دیهێت سۆماو چهمام بێ کاکه پاوه
ئهگهر ماوهێ جه تۆ دوورۆ بیبیانێ
دڵم گیریو جهمام بێ کاکه پاوه
که شێوازت جه کهلیانۆ گنێ بهر
خهمو دهردم تهمام بێ کاکه پاوه
نهۆمێ یانهکان تۆشا جیا کهرد
جه ئا بهۆشێ پهنام بێ کاکه پاوه
بهڵام ئیسه جه کهلیانۆ گنی ڕا
دیهو تۆ پهێم حهرام بێ کاکه پاوه
*************************************
خۆلو خاکو بهرهۆ وهریانهکهو تۆ
مهزانۆ حاڵو من به گیانهکهو تۆ
گۆڵاو بێ تاقهتو بۆ تۆن مهزانی
که تێکهڵ بی چهنی ئامیانهکهو تۆ
ئهوهڵ جارهێ که تۆم دیهی سۆحی زوو بێ
شنه شاهێدمهنو ئاسانهکهو تۆ
نه پۆڵا تاوێ ماڕۆمو نه ئاسن
دڵم مێڕیا به مۆ هجرانهکهۆ تۆ
مهسیم دا جواو خۆماریم وس قهراخهێ
که مهس بیانێ جه مهی پیمانهکهۆ تۆ
که ویرت گنۆ خهیاڵم بوو به شاعر
مهوو بۆ وهش جه بۆ دیوانوکهۆ تۆ
******************************************
منبع : شــۆنـهمـا