پۆشهڵه
پۆشهڵه
وهختارێو ئاردشا ، ئێنده ههيكهڵي و شكۆدار بێ كه جه حهيبهتيش پيا تهرسێ و ئهجيێت ، كهشێو مهي ڕانه . عانوو جوانيهنه و حهر فره ڕهشيإ بێ . بێ خهموو دنياي و ئێنده كۆك بێنه و به قۆنه ئهي ڕانه كه وهروو چهماش خهڵكهكه گۆلاله و فره بێههميهت بێ . تاوێني ڕاحهت سهروو مازيشهو پهي وێت بيژيهيره .
وهرێسێوهشا كهردێبێنه ملش . خرووكش ئهي ثنه و حهر چن وركێويچ كهوتهبێنه دڵش ، بێ هاگا و نهتهرس گۆشش نهبێ چنه . چوونكهم خاس زانێ ، گهرهكش بيايا جه يهك ساتهنه گردي كێشێنه و وهرێسهكێچ بڕێ و بهرهڵا و بهرشێ .
ياواي ڤهرهڤه خهڵكي دهوره داي . ئهجێ ئهرمانگان ؛ گرإ كهس ئامابێ و تهماشه كهرێ . حهر يۆ ئهي پهي وێش چێوێو واچێ . ههر يۆ جۆرێو ديێ . كۆماڵۆ خهڵكي كوچهكوچهي زياده بيه و ياگۆ تهماشاي به سهختي گير ئهي . به ههر جۆرێو بێ سهره كێشێنێ تاكه پيڤيۆنه . تهنگهتڕيزێ بێ و ئانێ دێر ئهينێ لاو ئهويشانه سهره كێشێنێ .
ئهي ماڵي كاولم ! ئيسه ياوانه و ئاماوه پوێره . داخۆم پاسنه بۆ ؟! بۆديار سهرهم ....!! واق مهنهبێره . خهريك بێ ئێتر دڵنيا بۆنه . مات و وڕ بيه بێ . پهشۆكيا بێ و حيچ نهزانێنه . كۆماو خهڵكهكهي ههر چن تهنگتهر بێ ، پهشۆكياي ئادي فره و فرهتهر بێ . چهمش كهوت پياكهي ، كاردهكۆ دهسيش ئارهي ئارێ ههسانهكهيره ؛ گرإ چێوش زانا . گۆژميش ئاردهوه تاكه بهرپشۆنه و پێسنه گرد جاري بلۆوه پهي كهشي و پهي وێش گێڵۆنه و خاس لهوهڕيۆنه . بهڵام نهتاواش . چوونكهم دهس و پاش بهسهبێشاوه و بێجگهم ئانهيچه پهي هێقمكاري ، وهرێسهكۆ مليش لكهشا دهيبێنه ئهو كۆڵهكێوێ .
جهماوهر پهي وێش كهوتهبێ ورهور و گردێ پێوهره حهر كهسێو پهي وێش چێوێو واچێنه : مهگه مهواچا ساحبێو جهژنهنه .... چێش ماچي لالۆ ، ئارۆ جهژنهنه .... هاگاتا چنه بۆ ... باردێش ويلاوه ... ها دهي ... گردێما پێوهره ...
بهڵام ئاد پتهڤ و ئهجێ دار وهنا . پتهوتهر چانهيه ، چننه بنيادمێ لهڕ و لاوارێ و لاشه نهوهشێ كه گرد چێوشا پهي ، وهشوياراي موازا و تارهلاو ئانهي ژيواو ئهويشا پهي وهشي وێشا بێ سهبهب بداوه ؛ داريۆوه و تاپۆي بهرزي قامهتش دريۆنه زهمين .
گرد كارێوشا كهرد . حهر نهتاواشا . يۆشا ماچۆنه : بيندێش سێپهڕوو ماشينێويهوه . گردێ كهوتێ جموجۆڵ. وهرێسهشا ئارده. وێچشا نهزانێنێ پهي چێشي ئاننه وهششانا. زوو زوو بهسـشاوه و ماشينيچ كهوت ڕا . لهپهڕوو ئيژيا و قامهتي بهرزش لاره كهوت زهمين .
پێسنه بێ چاگه ، يۆ قاو دريۆنه . كهڵێو كۆشيۆنه . پهریێو شهرم دڕيۆ . غروورێو مڕيۆ و يۆ بريۆ سهر دار . سهرهش كهوت زهمين ، شاخێوش مڕيا . چهمێش پهڕێ بيێ ههرسي وناڵينێ . كهوتهوه ويروو بهرزي سهركهشا و گرڕوو ئا كهيڵێ و وهشي لهوهڕگاي . لارهو قهمامي و نهرمي سێوهڕێ و شنهو سهرساحبي . ئاڤۆ چياو هانهي و پهچهو مهخهڵگاي .
حهر چي هێزش بێ داشهنه پاياش كه هۆرزۆوه پهي و چي جهههندهميه وێش ڕزگار كهرۆ . بهڵام نهتاواش . لهوسێش برهميێنێ و ههني گرهواي ، دابێش گڵوهزێش . جه كتووپأێوهنه گرإش كهرإ باأه و ههر چن پهتێوه ، دهوروو مليشهنه گڵۆفهشا دهيبێ و ڕاو ههناسهيشا چهنه گێرته بێ ، به پرخه پرخێو تاواش باڕيۆوه و هاوار كهرۆنه :
ئاي هاوار، هاوار، ئاخۆر چێش كهردێ ... مهگهر مهزاندێ .... مهگه مهزاندێ ئێمهيچ...
ئهمانش بڕيا . وێقره نهگێرێ و قهرارش نهبێ . شێويابێش وهنه كه چێش كهرۆنه . به گردوو هێزي ، به دهم و به زوان ، به چهم و به دهس ، به جهستهي مانيا و دارياي دلێ خاكيش واچێ : مهكهردێ ، وازم چنه باردێ . بهڵام مهگهر كهس ، ياوێنه دهردهش . گهرهكش بێنه ديسان باڕيۆوه و تا ڤا متاڤۆنه هاوار كهرۆنه . بهڵام داخهكێم ، دهنگش گيريانه ئهنه گڵوهزێش . كرچێوي سهردو ئێشێوي سهرسهخت ڕاو ههناسهيش گێرت . گڵوهزێش بڕيا و كهوته پرخهپرخ . ههرسي دلێ ديداش چني ونۆ گڵوهزێش جۆكڵێشا پێكا .
كووروش ئهميني نۆدشه