قیبلهم - ئوسا مهحمودی نۆسودی ( پهشێو )
ئی شێعرێمه پهی رهفێقی فهرههنگ دوس و فهرههنگ پهروهریم کهیهان ئێبراهیمی نژادی واتـێنـــــه .
قیبلهم قیبلهگای رووی سهرزهمینم
دین و ئیمانم گیـــــــانی شیرینـــــم
ههر ساتێو دیدهم به دیدهت شاد بو
ههزار جار گیانم سهرگهردی رات بو
دڵ جه دیدارت ئای چند پــڕ مهیلهن
دهرون چـــهو بهتهر کهلاوهن کهیلهن
سا پات رهنجنــه بنیـــهش وه راما
تا کـــــهی نهکـــهرو چهمت نگاما
ئهر دوس مهیلش بو ساتێو دیارش
باوڕ مــهکــهرو لــهنگ کهرو کارش
گهردی پاڵاکهت پهی چهمام خاسهن
بهشکـوم وهڕا بو ئاواتـــــــم واسهن
خهیلێن ئهو گهرده وه چهم مهوارو
ئهڵبهت لیاقــهت دیـــدهم نـــهدارو
پــهردهی لێڵاوی بنیـــه وه دیــدهم
دیدهم پهی چێشی ئهی بهرگوزیدهم
چهمێو به دیدهش نیگات نهکــهرو
ساحیب چهم سجده باڵایت نهبهرو
دهی با ههر نهبو ، نهبیهیش خاسا
تا کـهی هـهر ئــاوات دیداریت وازا
ئانا ئهسپــــارایم پـــهروهردگاری
تهڵهب کـــــهروونه تاڵــه نهویاری
30/9/1390