نامێو پهی دۆسی و جوابوو نامهکهی
سڵامۆن عهلهیک دۆسهکهی گیانی
ئــاگــادارت بۆ زاتـــــی ڕهببــــانــــی
ئێلتێجام هــــهن جه پاکـی خواوهند
ڕۆ جه ڕۆی فیشتهر پایهت بۆ بۆڵهند
گهر چــی باڵاکـهت جـه من پێوارهن
نامت مهڵهــــهمی ئی دڵهی زارهن
مـن به دۆســی تۆ مۆفتـهخــهرهنان
ههر چێو فهرمــاوی فــهرمانبـهرهنان
مزانوو دۆسیت فــــره مۆحکـهمــهن
بـــه وهفــاداریت خـــاترم جـهمـه ن
چوون تۆچهنی من ههم عهقیدهنی
جـــه مابهین دۆسـان بهرگۆزیدهنی
چوون تۆ ههم تهریق ههم برامهنـی
ئارامــــوو دڵـــی نوور چـهمـامهنــی
ئیسه ڕۆح و گیـان فراوان شـــادهن
دهروونم جه دهس خهفهت ئازادهن
پایهت بۆ بـۆڵــهند ، عێـــززهتت زیــاذ
چێگهودمای شهمسی نهبهری جهیاذ
جارجارههم دیسان سهروهنهش دهره
یـانـــهی تـاریکـش نـوورپاشــی کـهره
جوابوو دۆسی
عهلـــــــــــــهیکهسهلام دۆسی ئازیزم
دهس به دۆعــــــــــــانا منیچ پێسهو تۆ
ئهر تۆ پهی دینم کــــــــــــهردهنت تاسه
ئانه جه رهویـــــــــهی بهنــــــده نهوازین
پاســـــــهشا واتــــــــــهن وهڵینا ئهوسا
فهرمابێت ئیســــه جه یادت نهشـــــوون
یاد کهردهیت پهی من هـهدیه و بهراتهن
ج حاجهتهن دهس پهی قـــهڵهم بهروون