هه ورامان قه سه م به خاکی پاکت

به رۆڵه ی ژیرو ئازاو  بێ باکت

 

قه سه م به نامێ ئاهۆرامه زدای

قه سه م پانامێ وێش نامێ نێیای

 

قه سه م به شنه ی سه ردیارانت

باوه شین که ری وه ش ۆیارانت

 

به خشه خشی  گه ڵای  پاییزت

به وه ختی ئامای  کۆچی ئازیزت

 

به هه واری چۆڵ،که لاره ی وڕاش

به دیمه نی وشک زه ردی ره نگ پڕاش

 

به هاناوی به رز به ئاوی چییاش

به  گه لاویژی  تازه   هۆرزییاش

 

قه سه م به له یلیۆ زڵفی سیاوش

قه سه م به دیده ی سوه یل ره ژیاوش

 

قه سه م به وه فای پاکی بێگه ردش

مه ماڕو شه رتێ ئه وه ڵ جارکه ردش

 

قه سه م به ته قه ی گۆچانی شوانه

ته قه ش موسیقان چاسه ربه رزانه

 

قه سه م به چنوور چه نی به رزه ڵنگ

به سورهه راڵه ی بۆوه شی وه ش ره نگ

 

قه سه م به دڵۆ پیا پیره کات

ته جره به دارێووریا  و  ژیره کات

 

قه سه م به ئه دا زه حمه ت کێشه کات

قه سه م  به گردوو ئێشۆنێشه کات

 

قه سه م به په نجه و ئۆساکاره کات

سه لێقه وه شێۆ وه ش  نگاره کات

 

قه سه م به زه نگه ن قه سه م به بێڵێ

به قه تره  قه تره و ئاوو  ته وێڵێ

 

به ترێشته و چه کش ئه سکه نه ومشار

قه سه م پاچێوه وه ش که رێ نجار

 

قه سه م به نمه دپه ی فه رشۆ یانه ی

فه ره نجی چه نی که ره کۆشوانه ی

 

به چوخه رانک فه قیانی ده سا

پا  پوزه وانا   قاچێ   هۆور  به سا

 

قه سه م به کڵاش چه رمه ی چێرکه وه

مه تاڤوو  گردو   تاریفات   ده ۆ وه

 

قه سه م به به رزی ته ختو عه وداڵان

به شاهۆی سه ربه رزچه نی کۆساڵان

 

شه رته ن تامه نوم یه ک رۆ جه حه یات

هه رکات لازم بۆ گیان که روو  فێدات