کتیبوو گۆشە نێگایێوە کۆتا سەروو ڕەوتوو ئەدەبیاتوو زاڕۆڵاو هەورامانی
گۆشە نێگایێوە کۆتا سەروو ڕەوتوو ئەدەبیاتوو زاڕۆڵاو هەورامانی
نویسەر: ئیبراهیم شەمس
دنیاو زاڕۆڵاو دنیایێوە پان و بەرینا. زاڕۆ وەڵ جە ئەدا بیەیش بە بڕواو ڕەوانشاسەکا مشیۆ ئەداش چنیش قسێ کەرۆ و لاونۆشەو و پاسە ماچا هەست بە وەشی کەرۆ و لەزەتش چەنە بەرۆ. دما بە دماو ئانەی کە جە ئەدای بی؛ دیسان ئانە ئەدانە کە بە لایە لایە و دۆنایش، چنیش گنۆ گڕوگاڵی زاڕۆڵانە و وەڵ جە وەربیەی زوانیش کەلیمەکا بە گۆشیش ئاشنا کەرۆ. ئینجا برا و واڵە و نزیکەکاش تا وەڵ جە شش ساڵەگیشەنە فرەو ئا کەلیما کە پەی بەرقەرار کەردەی ئێرتێباتی نیازێنێ فێرشا بۆ و کەم کەم ئامادە بۆ پەی دنیایێوە گەورەتەری.
چی ماوەنە زاڕۆ بێ بڕیایرە جە زوانی عادی، بە شێعرە و داستان زوان و ئەندێشەش گۆچ کریۆ و جیا جە لەزەتی، فێریچ بۆنە.
ئی کتێبوو مامۆسا ئێبراهیمی باسوو ویەردەیش بە شێوەی کۆتا کەردەن و دما بە دماش ئەدەبوو زاڕۆڵاش جە دوێ بەشێنە دەسنیشان کەردەن. کە بەشوو نەسری و شێعرێن.
یۆ چا باسا "ڕاز"ینە کە ویەردێوە بە درێژایی تارێخوو بەشەریش هەن و دەم بە دەم وچیەینێوە تا یاواێنێ لاو ئێمە. هەرپاسە ئێشارەش فەرماوان کە هەر میللەتێوە کومەڵەێوە ڕازی تایبەت بە وێش هەنێش کە چنی باقی میللەتەکا جیاوازێنێ.
وەشبەختانە ئی هەرمانێ بیێنە هۆ ئانەیە کە ویەری زەمانی کۆ کەردەیۆ ئا ڕازا کە مجەینێ سەروو لاشەو درەختی دەسنیشان کریا و ڕەوتێوە پەی دماڕۆ تارێخوو نەسروو زاڕۆڵا وەش کەرۆ. کە نموونەکێش جە لاپەڕەو (٢٢)ینە ئاردێنێ و هەرپاسە کوڵەباسێوەش سەروو هەرکامیشا نویستەن و نموونەو چن دانە جە ڕازەکاش بە کامڵی ئاردەن.
بەشوو (٢) باسەکەیش تەرخان کەردەن پەی نەزمی (شێعر).
جە بەشوو شێعرێنە هەر جە لایە لایەو ئەدایەو تا ئا گەما کە بە زوانوو نەزمی جە هەورامانەنە زاڕۆڵێ پەنەشا گەورێ بیێنێ دەسش پەنە کەردەن تا یاوان داستانە شێعرێ و شێعرە تالیمی و ئایینیەکا.دما بە دماو ئانەی ئا شاعێرا کە سەروو دنیاو زاڕۆڵاوە کتێبشا چاپ کەردەن باسش سەر کەردەنێ و نموونەش پەی ئاردێنێوە تا یاوۆ پا شاعێرا کە نموونە شێعرێشا جە گۆڤارەکانە و جە فەزای مەجازینە کەوتێنێ وەرچەموو وەردەنگەکا.
ئیشارەیچش پانەیە کەردەن کە دوور نیا فرەو شاعێرا و نویسەرا شێعرێ و داستانیشا پەی زاڕۆڵا نویستێبا و نەکەوتێبا دەسوو نویسەری.
ئی کتیبە (٨٤) لاپەلێن و جە (١٤) سەرچەما بەهرەش بەردەن.
لەش ساقی و تەمەن بەرزیش پەی بە ئاواتنا.
ب.م (شارۆ)
96/9/10
نویسەر: ئیبراهیم شەمس
دنیاو زاڕۆڵاو دنیایێوە پان و بەرینا. زاڕۆ وەڵ جە ئەدا بیەیش بە بڕواو ڕەوانشاسەکا مشیۆ ئەداش چنیش قسێ کەرۆ و لاونۆشەو و پاسە ماچا هەست بە وەشی کەرۆ و لەزەتش چەنە بەرۆ. دما بە دماو ئانەی کە جە ئەدای بی؛ دیسان ئانە ئەدانە کە بە لایە لایە و دۆنایش، چنیش گنۆ گڕوگاڵی زاڕۆڵانە و وەڵ جە وەربیەی زوانیش کەلیمەکا بە گۆشیش ئاشنا کەرۆ. ئینجا برا و واڵە و نزیکەکاش تا وەڵ جە شش ساڵەگیشەنە فرەو ئا کەلیما کە پەی بەرقەرار کەردەی ئێرتێباتی نیازێنێ فێرشا بۆ و کەم کەم ئامادە بۆ پەی دنیایێوە گەورەتەری.
چی ماوەنە زاڕۆ بێ بڕیایرە جە زوانی عادی، بە شێعرە و داستان زوان و ئەندێشەش گۆچ کریۆ و جیا جە لەزەتی، فێریچ بۆنە.
ئی کتێبوو مامۆسا ئێبراهیمی باسوو ویەردەیش بە شێوەی کۆتا کەردەن و دما بە دماش ئەدەبوو زاڕۆڵاش جە دوێ بەشێنە دەسنیشان کەردەن. کە بەشوو نەسری و شێعرێن.
یۆ چا باسا "ڕاز"ینە کە ویەردێوە بە درێژایی تارێخوو بەشەریش هەن و دەم بە دەم وچیەینێوە تا یاواێنێ لاو ئێمە. هەرپاسە ئێشارەش فەرماوان کە هەر میللەتێوە کومەڵەێوە ڕازی تایبەت بە وێش هەنێش کە چنی باقی میللەتەکا جیاوازێنێ.
وەشبەختانە ئی هەرمانێ بیێنە هۆ ئانەیە کە ویەری زەمانی کۆ کەردەیۆ ئا ڕازا کە مجەینێ سەروو لاشەو درەختی دەسنیشان کریا و ڕەوتێوە پەی دماڕۆ تارێخوو نەسروو زاڕۆڵا وەش کەرۆ. کە نموونەکێش جە لاپەڕەو (٢٢)ینە ئاردێنێ و هەرپاسە کوڵەباسێوەش سەروو هەرکامیشا نویستەن و نموونەو چن دانە جە ڕازەکاش بە کامڵی ئاردەن.
بەشوو (٢) باسەکەیش تەرخان کەردەن پەی نەزمی (شێعر).
جە بەشوو شێعرێنە هەر جە لایە لایەو ئەدایەو تا ئا گەما کە بە زوانوو نەزمی جە هەورامانەنە زاڕۆڵێ پەنەشا گەورێ بیێنێ دەسش پەنە کەردەن تا یاوان داستانە شێعرێ و شێعرە تالیمی و ئایینیەکا.دما بە دماو ئانەی ئا شاعێرا کە سەروو دنیاو زاڕۆڵاوە کتێبشا چاپ کەردەن باسش سەر کەردەنێ و نموونەش پەی ئاردێنێوە تا یاوۆ پا شاعێرا کە نموونە شێعرێشا جە گۆڤارەکانە و جە فەزای مەجازینە کەوتێنێ وەرچەموو وەردەنگەکا.
ئیشارەیچش پانەیە کەردەن کە دوور نیا فرەو شاعێرا و نویسەرا شێعرێ و داستانیشا پەی زاڕۆڵا نویستێبا و نەکەوتێبا دەسوو نویسەری.
ئی کتیبە (٨٤) لاپەلێن و جە (١٤) سەرچەما بەهرەش بەردەن.
لەش ساقی و تەمەن بەرزیش پەی بە ئاواتنا.
ب.م (شارۆ)
96/9/10
+ نوشته شده در پنجشنبه بیست و سوم آذر ۱۳۹۶ ساعت 12:49 توسط ابراهیم شمس
|